Növbətçi  Rusiyanın paytaxtı Moskvada orta məktəbdə faciəli ölüm hadisəsi baş verib. Orta məktəbdə şagirdlər sinif yoldaşları ilə zarafatlaşıblar. Onlar yeniyetmənin əl-qolunu bağlayıblar. Daha sonra əlləri bağlı uşaq sinif otaqlarından birnə atılıb. 

Oğlan kəndirləri açmaq üçün çırpınarkən başı müəllimin stoluna dəyib. 

Halı pisləşən oğlan ipin boğazına dolanması nəticəsində boğulub. Otaqda olan müəllimə huşunu itirən oğlanı xilas etmək üçün ipləri açmağa çalışıb. Lakin onun bütün cəhdlərinə baxmayaraq yeniyetmə ölüb.

Baş verənlər məktəbdə quraşdırılan müşahidə kameraları vasitəsilə qeydə alınıb. Həmin görüntülər sosial mediada yayılıb. (ANS PRESS)