Virtualaz.org saytının Şirvan bürosunun müxbiri xəbər verir ki, Salyan rayonunun Şorsulu kənd sakini, sahibkar Mehdiyev Elşad Qəmbəralı oğlunun idarə etdiyi “Toyota-Prado” markalı avtomaşınla Salyan şəhər sakini, 30 yaşlı Əsgərov Rauf Ramil oğlunun idarə etdiyi “VAZ-2103” markalı maşın toqquşub.

Hadisə nəticəsində “VAZ-2103”-ün sərnişinləri - Salyanın Kürkənd kənd sakini, 1980-ci il təvəllüdlü Ağayev Elmar Bəyoğlan oğlu və Xalac kənd sakini, 1978-ci il təvəllüdlü İsayev Vüqar Mehman oğlu hadisə yerində dünyalarını dəyişiblər.

“Jiquli”nin sürücüsü Rauf Əsgərov və digər sərnişini Rabil Cəbrayılov isə orta-ağır dərəcəli kəllə-beyin travması ilə Salyan Mərkəzi Rayon Xəstəxanasına yerləşdiriliblər.

“Toyota-Prado” markalı avtomaşının sürücüsü olan iş adamı isə heç bir xəsarət almayıb. Faktla bağlı cinayət işi başlanıb.