Fövqəladə Hallar Nazirliyinin saytının verdiyi məlumata görə, hadisə fevralın 28-dən martın 1-ə keçən gecə Bakı-Qazax yolunun 472-ci kilometrliyində, Qazax rayonu ərazisində qeydə alınıb.

 

Vətəndaşlara məxsus "QAZel" və VAZ markalı avtomobillərinin toqquşması nəticəsində "QAZel" markalı yük avtomobilinin sürücüsü və 1 sərnişini müxtəlif bədən xəsarətləri alaraq Təcili Tibbi Yardım Stansiyası tərəfindən Mərkəzi Rayon Xəstəxanasına aparılıb.

 

VAZ markalı minik avtomobilindən 3 nəfərin sıxılmış meyiti isə yanğınsöndürən-xilasedicilər tərəfindən xüsusi alət və avadanlıqlar vasitəsi ilə çıxarılaraq aidiyyəti üzrə təhvil verilib.