Çoxsaylı bıçaq xəsarətləri alan Gəncə sakini, 35 yaşlı Yunis Məmmədov Təcili Tibbi Yardım Xəstəxanasına gətirilib. Həkimlər yaralıya ilkin yardım göstərib və sonrakı müalicə üçün palataya yerləşdiriblər. 

İlkin məlumata görə, Məmmədov yaşadığı Məhsəti qəsəbəsində xalasının oğlu, 43 yaşlı Mehdixan Bayramov tərəfindən bıçaqlanıb. Qarşılıqlı mübahisə zamanı həmin şəxs də bıçaq xəsarətləri alıb. Hazırda fakt üzrə Gəncə Şəhər Baş Polis İdarəsinin Kəpəz Rayon Polis İdarəsində araşdırma aparılır. 

Cəlal Zeynalov, həkim: "Xəstə Məmmədov Yunis Qulu oğlu şöbəyə gətirilərkən üz nahiyəsində və bədənində bıçaq yaraları olub. Ona lazımi tibbi yardım göstərilib. Hazırda vəziyyəti kafidir".  (kəpəz tv)