Xaçmaz rayonunda ağır yol qəzası baş verib. Mirzə Fətəli Axundov küçəsilə Məhəmməd Əmin Rəsulzadə küçələrinin kəsişməsində “VAZ-21011” markalı, 27 BE 964 nömrə nişanlı avtomobillə “VAZ-2107” markalı, 12 BA 764 nömrə nişanlı maşın toqquşub.

Qəza nəticəsində 3 nəfər ağır yaralanıb. Yaralılar 1993-cü il təvəllüdlü Rəsul Fərzəliyev, 1979-cu il təvəllüdlü Bayram Şıxəliyev və 1977-ci il təvəllüdlü Sevinc Qurbanova xəstəxanaya yerləşdiriliblər. Xəsarət alan şəxslərin vəziyyətinin orta-ağır olduğu bildirilir.

Faktla bağlı araşdırmalar aparılır.