APA-nın yerli bürosunun xəbərinə görə, hadisə bu gün saat 15:00 radələrində Yevlaxın Əkşəm kəndi ərazisində qeydə alınıb. 

Gəncə şəhər sakini, 1975-ci il təvəllüdlü Əli Məmmədovun idarə etdiyi ”VAZ 2106” markalı minik avtomobili qarşı tərəfdən gələn Yevlax rayonu, Xaldan qəsəbə sakini, 1973-cü il təvəllüdlü Elgiz Bəkirovun idarə etdiyi  “VAZ 2107” markalı avtomobillə toqquşub. Qəza zamanı hər iki avtomobilin sürücüsü ağır xəsarət alaraq Mingəçevir şəhər Mərkəzi Xəstəxanasına yerləşdirilib. Hazırda yaralıların vəziyyətinin ağır olduğu bildirilir.

 

Faktla bağlı Yevlax rayon Polis Şöbəsi tərəfindən araşdırma aparılır.