Bu gecə oynanılacaq “Qalatasaray”-“Çelsi” matçı öncəsi İstanbulda azarkeşlər arasında gərginlik yaşanıb. 

 “Mediatv.az” Türkiyə mətbuatına istinadən xəbər verir ki, Taksim meydanında türk və ingilis fanatları arasında insident yaşanıb və nəticədə bir ingilis arakeşi bıçaqlanıb. Ancaq İstanbul Şəhər Baş Polis İdarəsindən bu faktın yalan olduğunu bildiriblər.

 Bir ingilis azarkeşi isə “Twitter” profilində: ““Qalatasaray”da futbol azarkeşi yoxdur. Bunlar heç insan da deyillər” başlıqlı  twit paylaşıb. Bundan sonra sosial şəbəkələrdə də hər iki klubun azarkeşləri  arasında “müharibə” başlayıb.