“MEDİATV.AZ” ucnoqta.az-a istinadən xəbər verir ki, yaralı vəziyyətdə xəstaxanaya çatdırılan icra başçısının 26 yaşlı oğlu İlham Əsgərli burda bir müddət xəstəxanada qalmış, ona ilkin tibbi yardımlar göstərilsə də vəziyyəti həddən artıq pisləşib, burdakı həkimlərin ona heç bir köməklik edə bilməyəcəyi məlum olub. Nəticədə icra başçısının oğlu yaralı vəziyyətdə xüsusi təyyarə ilə Türkiyəyə aparılıb. Hal-hazırda Türkiyədəki xəstəxanalardan birində olan İlham Əsgərlinin vəziyyətinin yaxşı olmadığı bildirilir.

Məsələ ilə bağlı İlham Əsgərlinin atası Səbail rayon İcra Hakimiyyətinin başçısı Asif Əsgərovla əlaqə saxlamaq istəsək də, cəhdlərimiz baş tutmadı.

Qeyd edək ki, qəza nəticəsində “Mercedes”i idarə edən Səbail rayon İcra Hakimiyyətinin başçısı Asif Əsgərovun 26 yaşlı oğlu İlham Əsgərli isə ağır yaralanmış, sərnişin, iş adamı MCDonalds”ın Bakı nümayəndəliyinin rəhbəri, Maqsud Mirzəyevin 16 yaşlı oğlu Sənan Mirzəyev isə dünyasını dəyişmişdi.