Sabirabad rayonunda ağır yol-nəqliyyat hadisəsi baş verib. 

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, ötən gecə saat 01 radələrində Sabirabad rayonu Qaragüney kəndinin ərazisində Osmanlı kənd sakinləri Xəqani Məmmədovun idarə etdiyi “VAZ-21074” markalı avtomobillə Firudin Əhmədovun idarə etdiyi “MTZ-82” markalı traktor toqquşub. 

Qəza nəticəsində xəsarət alan X.Məmmədov və sərnişinləri - qızı Mədinə, Osmanlı kənd sakinləri Vahab Novruzov, Aysun Novruzova, Ayna Məmmədova və onun bacısı Humay xəstəxanaya yerləşdirilib.

Sabirabad RPŞ tərəfindən araşdırma aparılır.