Bakının Suraxanı rayonunda polisə 17 yaşlı qızın zorlanması barədə məlumat daxil olub. Polis daxil olan şikayəti araşdırmağa başlayıb. Araşdırmalar zamanı bəzi məqamlar üzə çıxıb. 

Məlum olub ki, bir müddət öncə Qaradağ rayonunda yaşayan 17 yaşlı məktəbli qız evdən qaçıb. Qız Suraxanı rayonunda yaşamağa başlayıb.

Qızın valideynləri övladlarının itməsi barədə polisə şikayət ediblər. Polisin apardığı axtarışlar zamanı məktəbli qız tapılıb. Qız polisə verdiyi ifadəsində Nizami adlı oğlan tərəfindən zorlandığını bildirib. Onun sözlərinə görə, Nizami ilə “555” adlı gecə kulubu ilə görüşüb. Sonradan oğlan onu ünvanını bilmədiyi evə aparıb. Oğlan orada qızı zorlayıb.

Polis şikayət əsasında adıçəkilən şəxsi tapıb. Sonradan məlum olub ki, əslində oğlan qızı zorlamayıb.

“Oğlan bildirib ki, heç bir zorlama olmayıb. Gənc oğlanın sözlərinə görə, pul qarşılığında qız ona intim xidmət göstərib. Düşünürük ki, qız valideynləri tərəfindən tənbeh olunmamaq üçün zorlanması barədə yalan danışıb. O, istəyib ki, valideynləri onun halına acısınlar. Buna baxmayaraq, biz materialı prokurorluğa göndərdik”, - deyə Suraxanı rayon 31-ci polis bölməsindən bildirilib.