2013-2014-cü illərdə 3,5 min Rusiya vətəndaşı terror qruplarına maliyyə vəsaiti ötürüb.

Rusiya xüsusi xidmət orqanlarının məlumatına görə, ruslar tərəfindən bu il ərzində İraq və Şam islam Dövləti (İŞİD) terror təşkilatının hesabına 300 milyon rubl (4,5 milyon ABŞ dolları) həcmində vəsait köçürülüb.
Mediatv.az-ın məlumatına görə, bu barədə “İzvestiya” qəzeti Rusiya Maliyyə monitorinqi üzrə Federal Xidmətində olan mənbəyə istinadən xəbər verir. 

Mənbə bildirir ki, bu vəsait əsasən internet, sosial şəbəkələr vasitəsilə İŞİD-ə ötürülür.

Qeyd edilib ki, ötən il “Bulqar Salman” ləqəbli Rusiya vətəndaşı internet üzərindən Suriyada terror aktları törətmək üçün insanları İŞİD-ə cəlb edib, qruplaşma üçün pul yığırmış.

Bundan əlavə Suriya və İraqa gedən ruslar da pullarını terror təşkilatının hesabına köçürüblər. 

Hesab olunur ki, terrorçulara dünyanın 40 ölkəsindən maliyyə dəstəyi verilir.

“İlkin analiz nəticəsində biz maliyyə əməliyyatlarının böyük hissəsini görə bilirik. Terror təşkilatına pul köçürmələrinə görə, MDB ölkələrindən ilk pillədə Qazaxıstan, ikinci pillədə Azərbaycan, üçüncü yer də isə Türkmənistan gəlir”, - deyə mənbə qəzetə bildirib.