Ağdamda ağır yol qəzası baş verib.

Mediatv.az-ın məlumatına görə, axşam saatlarında rayonun Quzanlı qəsəbəsi ərazisində Bərdə istiqamətində hərəkətdə olan mikroavtobus, “Lada Priora” markalı avtomobillə toqquşub.

Yoldan çıxan mikroavtobus bardurlara çırpılaraq dayanıb. Yeniyetmə idmançıların olduğu mikroavtobusda 5 nəfər xəsarət alıb. Yaralılardan 4-ü, 17 yaşlı Kərimli Kərim, 16 yaşlı Ruslan Məhərrəmov, 13 yaşlı Eltac Fərəcov, 10 yaşlı Sahib Əsgərov müxtəlif dərəcəli bədən xəsarətləri ilə Ağdam MRX-na çatdırılıb.

Qapalı kəllə beyin travması alan 17 yaşlı İlkin Quliyevin vəziyyəti ağır olduğundan Bərdə MRX-na gətirilib. 

Mikroavtobusu idarə edən Şahbaz İbrahimovun sözlərinə görə yeniyetmələr Ağdam Olimpiya Komitəsindən məşqdən qayıdırmış. Hadisə yerinə Ağdam rayon PŞ-nin DYP bölməsinin əməkdaşları gəlib.

Hazırda baş vermiş qəzayla bağlı araşdırma aparılır. (Anspress)