Bakıda silahlı şəxs restoranda adam döyüb. Daxili İşlər Nazirlyindən Milli.Az-a verilən məlumata görə, avqustun 10-da Xətai rayonu ərazisindəki restoranlardan birində şəxsiyyəti məlum olmayan şəxs xuliqanlıq zəminində Bakı şəhər sakini Mehman Mustafayevi döyüb.
Xətai Rayon Polis İdarəsinin 35-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş paytaxt sakini Rafael Hüseynov saxlanılıb. Ondan idman tapançası götürülüb.