22 yaşlı oğlan üzərində iş görən zaman khəlak olub.

Qəbələdə bədbəxt hadisə baş verib. Yenikənd kənd sakini cərəyan vurmasından dünyasını dəyişib.

Qəbələ rayon Yenikənd kənd bələdiyyəsinin sədri Absəddin Babayev ANS PRESS-ə bildirb ki, dünən günorta saat 15 radələrində kənd sakini 1993-cü il təvəllüdlü Asif Mirzağayev şəxsi həyətindəki hasarın üzərində iş görərkən hasarın üstündən keçən yüksəkgərginli (10 min volt ) elektrik xəttinə toxunub. Nəticədə, həmin şəxsi elektrik vurub. Elektrikın təsirindən özünü itirən A.Mirzəağayev divardan yerə yıxılıb.

Hadisə yerinə Qəbələ Rayon Mərkəzi Xəstəxanasının Təcili Tibbi Yardım maşını cəlb edilib. Xəsarət almış şəxs xəstəxanaya apararkən yolda keçinib.

Xatırladaq ki, Asif Mirzəağayev təzəcə evlənib.

Faktla bağlı Qəbələ Rayon Prokurorluğunda araşdırma başlanıb.

 Mediatv.az