Bu gün Xəzər dənizinin Xaçmaz rayonu, Niyazoba kəndi ərazisində iki nəfər  boğulub. APA-nın şimal bürosunun verdiyi məlumata görə, Xaçmaz şəhər sakinləri 1960-cı il təvəllüdlü Rəhimxanova Naibə Muradxan qızı və 1966-cı il təvəllüdlü Rəhimxanova Gülxanım Muradxan qızı dənizdə boğularaq ölüb.

Ölən şəxslər iki bacıdır.

Onların meyiti tibbi müayinədən keçirilməsi üçün Xaçmaz Mərkəzi Rayon Xəstəxanasına gətirilib.

Faktla bağlı araşdırmalar aparılır.