Sumqayıtda ağır yol qəzası qeydə alınıb.

MEDİATV.AZ Daxili İşlər Nazirliyinin saytına istinadən xəbər verir ki, iyulun 8-i saat 13 radələrində Sumqayıt şəhəri Hacı Zeynalabdin Tağıyev qəsəbəsində qəsəbə sakini Anar Məmmədov idarə etdiyi “Mercedes” markalı avtomobili yol ayrıcına vurub.

A. Məmmədovun sərnişinlərindən Gülnar Səfərəliyeva hadisə yerində ölüb, digər sərnişini Fərqanə Səlimova xəstəxanaya yerləşdirilib.

Sumqayıt Şəhər Polis İdarəsi tərəfindən araşdırma aparılır.