Twitter-in baş direktoru Dik Kostolo istefaya gedir. O, öz postunu iyulun 1-dən tərk edəcək, bununla yanaşı şirkətin İdarə Heyətində yerini saxlayacaq.
O, bunu Twitter-in mikrobloqunda elan edib. “Twitter komandası və bu komandanın mənim rəhbərlik etdiyim altı il müddətində əldə etdiyi nailiyyətləri ilə fəxr edirəm. Bizim dəqiq hədəf və prioritetlər strategiyamız mövcuddur”, - Kostolonun bəyanatında deyilir.
Twitter mikrobloqları servisi 2006-cı ildə yaradılıb, şirkətin baş qərargahı San-Fransiskoda (Kaliforniya ştatı) yerləşir. Dik Kostolo şirkətə 2009-cu ilin sentyabrında gəlib, bir aydan sonra isə əməliyyat direktoru olub.
2010-cu ildə Eva Uilyams bu vəzifədən getdikdən sonra Twitter-ə rəhbərlik etməyə başlayıb.