“Azərbaycan Dövlət Dəmir Yolları” Qapalı Səhmdar Cəmiyyətinin 4 nömrəli Enerji Təchizat Stansiyasının əməkdaşı 47 yaşlı Kifayət Əhmədova iş yerində dayısı 77 yaşlı Qəzənfər İsgəndərov tərəfindən bıçaqlanıb. 

“Mediatv.az”in salamnews-a istinadən məlumatına görə, hadisə şəxsi münasibət zəminində baş verib.

Ağır bədən xəsarətləri alan qadın Gəncə Şəhər Təcili Tibbi Yardım Xəstəxanasına çatdırılsa da, onun həyatını xilas etmək mümkün olmayıb.

Gəncə Şəhər Prokrorluğunun böyük köməkçisi Anar Haqverdiyevin sözlərinə əsasən, məhkəmə Tibbi Ekspertiza və Pataloji Anatomiya Birliyinin Gəncə Şəhər Şöbəsində müayinə olunan qadına bir neçə bıçaq zərbəsi vurulduğu aşkar edilib.

***

DİN-dən “Mediatv/az”-a verilən məlumata görə, 77 yaşlı  Qəzənfər İsgəndərov könüllü olaraq Gəncə Xətt Polis Şöbəsinə gələrək təslim olub.

Murad Əhməd