Bakıda 22 yaşlı gənc bacısının nişanlısını qətlə yetirib.

Bu barədə ANS PRESS-ə Sabunçu Rayon Polis İdarəsindən məlumat verilib.

Bildirilir ki, Bakı sakini 22 yaşlı Elvin Cavadov Elşən oğlu 24 yaşlı Habil Abdullayev Aslan oğlunu bıçaqlayaraq öldürüb. Qətl hadisəsi Maştağa-Zabrat şossesi Yeni Yaşayış massivində baş verib.

Habil Abdullayev Elvin Cavadovun bacısının nişanlısı olub. Qətl hadisəsinin şəxsi münaqişə zəminində baş verdiyi bildirilir.

Saxlanılan şəxs Elvin Cavadov istintaqa ilkin ifadəsində bildirib ki, Habil Abdullayevi onların evinə tez-tez gəldiyi üçün öldürüb.