Ağcabədi məscidinin imamı aksiya ilə bağlı yayılan xəbərləri təkizb edib

Ağcabədi şəhər Cümə Məscidi Dini İcmasının sədri İsmayılov Novruz “Qafqazinfo”ya müraciətində rayon rəhbərlyi tərəfindən azanın səsinin azaldılması barədə tapşırıq olmadığını bildirib: 

“Azanın səsgücləndirici ilə verilməsinin dayandırılması barədə məscid rəhbərliyinə və dindarlara Ağcabədi rayon İcra Hakimiyyəti Başçısı tərəfindən heç bir formada tapşırıq və göstəriş verilməyib. Dindarların adından gedən yazı qərəzli məqsədlə yazılıb, şər və böhtan xarakterlidir”.

Qeyd edək ki, yayılan məlumatlarda icra başçısının tapşırığı ilə azanın səsinin azaldıılmasına görə dindarların aksiya keçirəcəyi bildirlirdi.