Ötən gün Qusarın Köhnə Xudatqazma kəndində canavarlar qoyun sürüsünə hücum edib. 

Canavarlar Zahir Paşayevin otardığı qoyun sürüsünə cumub. Cobanın sözlərinə görə, sürüdə 109 qoyun olub.

Sürü kəndin kənarında otlayan zaman 3 canavar hücum edib. Nəticədə qoyunlar pərən-pərən olub. Çobanın sözlərinə görə, canavarlar 20-yə yaxın qoyunu parçalayaraq öldürüb. 10 heyvan isə yaralanıb. 

Qusar Rayon Bayratlıq İdarəsinin rəis müavini Seyfəddin Qazıyevin sözlərinə görə, qoyun cəsədləri toplanaraq dezinfeksiya olunub və yandırılıb.

Sakinlər tez-tez canavarların kəndə hücum etməsindən şikayətlənir. Onların sözlərinə görə, əhalidən ov silahları yığıldığı üçün sakinlər vəhşi heyvanlarla mübarizə apara bilmirlər.