Dünən Atatürk liseyinin qarşısında məktəbliləri təşvişə salan hadisə yaşanıb. “Qafqazinfo” ya daxil olan məlumata görə naməlum kişi uşaqlara yaxınlaşaraq onları yoldan çıxartmağa çalışıb, şübhəli söhbətlər edib. Uşaqlar bildirir ki, kişinin uzun saqqallı olub: “Bizə yaxınlaşıb dedi ki, sizin sürücünüzəm, mənimlə gəlin”. 

Uşaqlar bundan təşvişə düşərək valideynlərinə zəng ediblər. Bu gün səhər isə valideynlərdən bir qrupu  hadisədən narahat olduqlarına görə uşaqlarını liseyə göndərməyib.

Hadisə ilə bağlı Atatürk liseyi rəhbərliyi polisə müraciət edib. Polis liseydə araşdırma aparır. “Mediatv.az” məsələ ilə bağlı Atatürk liseyi ilə əlaqə saxlayıb. Liseydən polisin orada araşdırma aparmasını təsdiqləsələr də, hadisə haqqında hələlik əlavə məlumat verilməyib.