“Avtomobillə 1-2 saatlıq yoldursa, orada ayrıca büronun olmasına lüzum yoxdur. Hər yerdə müxbir saxlamağa maliyyə vəsaiti lazımdır. Bir halda ki, həmin bölgələrdən xəbər gəlmirdi, onun qalmasının heç bir mənası yoxdur. Hərə üçün bir müxbir bürosu açsaq, bunu çatdırmarıq”. 

Bunu Modern.aza ANS telekanalının ictimaiyyətlə əlaqələr müşaviri Mais Məmmədov deyib. O, əlavə edib ki, Qarabağ, Lənkəran kimi şəhərlərdə bürolar olmalıdır. 

“Amma xəbər, material gəlməyən bəzi bürolar kimə lazımdır?! Büroların bağlanması ilə əlaqədar müxbirlərdən narazılıq edən kimsə olmayıb. Bir nəfər mütəmadi olaraq bir yerdə çalışmır ki? Hamı nə vaxtsa, hansısa səbəbdən iş yerini dəyişir. Bu normaldır. Mənim 76 yaşım var. Müxtəlif illərdə müxtəlif yerlərdə çalışmışam. Ayrıldığım iş yerlərindən də küskün, incik düşməmişəm. Düşünürəm ki, zamanla dəyişiklik edilməsi normaldır”.

Qeyd edək ki, ANS-in Göyçay və Cəlilabad büroları artıq bağlanıb.