Bəli, hətta bu məqsədlə nazirliyin nəzdində “Su Hövzələrində Bioloji Resursların Artırılması və Mühafizəsi” Departamenti ( el arasında “rıbnadzor” deyilir ) də yaradılıb. Ancaq nə faydası..?
Dövlət milyonlarla vəsait ayırır ki, balıqlar qorunsun, artırılsın. Bağırovun bölgələrdəki əməkdaşları isə balıqların kökünü kəsməklə, balıqlara qarşı “genosid”lə məşğuldur. Bağırovun belə əməkdaşlarından biri də Mahmud Axundovdur. Bu şəxs Qazax bölgəsində balıqların qənimi kimi ad çıxardıb.Belə ki, Qafqaznews.az xəbər verir ki, nazirliyin əməkdaşı əlinin altında qanunsuz balıq ovu ilə məşğul olan bir neçə balıqçı dəstəsi saxlayır. Ən dəhşətlisi odur ki, həmin dəstələr “elektrik-tok” vasitəsi ilə Kür çayının Qazax rayonundan keçən və Tovuz rayonu, Şəmkir SES-ə qədər davam edən ərazilərdə balıqları kütləvi qırmaqla məşğul olurlar. Sonradan qırılan balıqları öz brakonyer dəstələri vasitəsilə satışa çıxarırlar.
Bizimlə telefon söhbətində Mahmud Axundov deyir ki: “Mən xırda adamam, bu bölgədə nazirliyin “Gəncədən Qazaxa qədər” ərazidə səlahiyyətli nümayəndəsi “Azərittifaq” ləqəbi ilə tanınan Mübariz Mehdiyevdir. Onunla danışın”.

 

Bizimlə telefon əlaqəsi saxlayan Mübariz Mehdiyev isə ancaq xahiş edir ki, “yazını çıxardın”. Biz yazını çıxarmaqla problem həll olunacaq, cənab nazir? Əgər biz yazını çıxrmaqla balıqlar azad nəfəs alacaqsa, biz buna da hazırıq, möhtərəm nazir…
Ümid edirik ki, hörmətli nazir Bağırov öz əməkdaşlarına “yazı çıxartmağı” deyil, öz işlərinə məsuliyyətlə yanaşmağı başa salacaq.