Bu gün Bakı 2015 İlk Avropa Oyunlarının Açılış mərasimi ilə bağlı bəzi yollarda nəqliyyatın hərəkəti tam məhdudlaşdırılıb.

"Report" xəbər verir ki, ötən gecə saat 04.00-dan növbəti gecə saat 02.00-dək Heydər Əliyev prospekti, Babək qovşağından Sabunçu qovşağınadək və Mehdi Hüseyn küçəsi, Parlament prospekti dairəsindən Teymur Elçin küçəsilə kəsişməyədək yollar bağlı olacaq.

Həmçinin iyunun 13-də saat 08:30-18:30, 14 iyunda isə 08:30-19:00 aralığında Zuğulba Yolu / Bakı Dairəvi II-nin Dairə 1-dən Dairə 2-dək yollar tam bağlı olacaq.