Moskva Böyük Vətən Müharibəsində qələbənin 70 illiyini qeyd etməyə hazırlaşır. 

“Mediatv.az” Rusiya KİV-nə istinadən xəbər verir ki, konsert proqramları ilə müşayiət olunacaq budəfəki paradın ölkənin müasir tarixində ən irimiqyaslı hərbi parad olacağı bildirilir.

Artıq Qırmızı Meydanda nümayiş olunması nəzərdə tutulan hərbi texnika paytaxtın mərkəzi küçələrinə çatıb.

Prezidentin mətbuat katibi Dmitriy Peskovun sözlərinə görə, bu paradda 16 min hərbi qulluqçu, 194 ədəd quru hərbi texnika, 143 təyyarə və helikopter iştirak edəcək.

Bundan başqa, paradı izləyən izləyicilərə də hədiyyələr paylanacaq.

Artıq 30-a yaxın xarici ölkə lideri və beynəlxalq təşkilat rəhbərləri təntənəli mərasimlərdə iştiraklarını təsdiqləyiblər.

Qeyd edək ki, Azərbaycan Respublikası Silahlı Qüvvələrinin hərbi qulluqçularından ibarət bölmə aprelin 25-dən Moskva şəhərinə yola salınıb və paradda iştiraka hazırlaşırlar.