Mediatv.AZ bildrir ki, “Azərenerji” ASC-dən AzVision.az-a verilən məlumata görə, dəyişikliyə əsasən "Azərenerji" bundan sonra ancaq elektrik enerjisinin istehsalı ilə məşğul olacaq.

Qurumun mətbuat xidməti rəhbərinin Ələkbər Baxşəliyev də bu fatkı təsdiqləyib. Onun sözlərinə görə, buna qədər “Azərenerji” regionlara elektrik enerjisini satışı ilə də məşğul olurdusa, bundan sonra bu işi yeni yaradılan “Azərişıq” ASC həyata keçirəcək.

Xatırladaq ki, ötən gün Azərbaycan prezidenti İlham Əliyev “Bakıelektrikşəbəkə” ASC-nin adının dəyişdirilərək “Azərişıq” ASC adlandırılması ilə bağlı sərəncam imzalayıb. 

Bundan sonra “Azərişıq” ASC Azərbaycan ərazisində elektrik enerjisini satın almaqla istehlakçıları etibarlı, təhlükəsiz və səmərəli şəkildə elektrik enerjisi ilə təchizatını həyata keçirəcək.

Prezidentin digər sərəncamı ilə Balababa Rzayev “Azərişıq” ASC-nin sədri təyin edilib.