Ermənistanın Masis şəhərində üzərində tapança və qumbara olan naməlum şəxs meriya binasına daxil olub.
Mediatv.az xəbər verir ki, bu barədə şəhərin vitse-meri Norayr Akopyan məlumat yayıb.
“Sərxoş vəziyyətdə olan şəxs meriya binasına daxil olub. Bundan sonra partlayış baş verib. Binada işçilər, mühafizəçi olmayıb. Xəsarət alan yoxdur”, - deyə o bildirib.
İlkin məlumata görə, həmin şəxs tapançadan da bir neçə dəfə atəş açıb və hər hansı tələb irəli sürməyib.
Hadisə yerinə Ermənistan Milli Təhlükəsizlik Xidmətinin əməkdaşları, polis qüvvələri cəlb edilib.
***
Ermənistan polisi Masis icmasının binasına silahla soxulan şəxsin özünü güllələyib öldürdüyünü bildirib.
Qeyd edilib ki, polis içəri girərkən silahlı şəxsin meyitini tapıb.
***
Ermənistanda bələdiyyə binasına soxulmuş silahlı şəxs intihar edib.
Məlumata görə, Ermənistan polisi rəisinin birinci müavini Aram Ovannisyanın rəhbərlik etdiyi Xüsusi Təyinatlı Polis İdarəsinin əməkdaşları içəri girərək başından güllə yarası almış 36 yaşlı Eduard Marqaryanın meyitini aşkar ediblər.
Polislər arasında ölən və yaralanan yoxdur.шаблоны для dle 11.2