Ukraynanın cənubunda yaşayan əhali kütləvi şəkildə bölgəni tərk etməyə başlayıb. Buna səbəb ərazidə yerləşən nəhəng nüvə kompleksi yaxınlığında partlayışların artmasıdır. Zaporojye atom elektrik stansiyasının işçiləri də daxil olmaqla dinc əhali ərazini tərk edir.

Enerqodar şəhərinin meri Dmitri Orlovun sözlərinə görə, Rusiya ordusu şəhər ətrafından “Qrad” reaktiv yaylım atəşi sistemlərindən Zaporojye AES-i atəşə tutur. Mer əlavə edib ki, son bir həftə ərzində yaşayış məntəqəsini tərk etmək istəyənlərin sayı artıb. O, müharibənin beş ayı ərzində AES-in ən azı 100 əməkdaşının işgəncələrə məruz qaldığını bildirib. Orlovun sözlərinə görə, Zaporojye AES ətrafında vəziyyət getdikcə pisləşir.шаблоны для dle 11.2