Fransanın cənub-qərbindəki Gironde bölgəsində 10 gün əvvəl başlayan və təxminən 21 min hektar meşə sahəsini məhv edən yanğınlar bəzən səngisə də, hələ də nəzarət altına alınmayıb.

Mediatv.az xarici KİV-ə istinadən xəbər verir ki, Gironde Qubernatorunun açıqlamasına görə, La Teste-de Buch yanğınında 7 min hektar və Landirasda 14 min hektar ərazi yanıb.

Gironde yanğınının ölkə tarixindəki ən böyük yanğınlar arasında olduğunu qeyd edən Fransa Prezidenti Emanuel Makron, yanan ərazilərin yenidən yaşıllaşdırılması üçün “milli yenidənqurma layihəsi”nə başlayacağını qeyd edib.

Bildirilib ki, Fransada yanğın tamamilə nəzarət altına alınarsa, bu günə qədər təxliyə edilən 36 min 750 nəfər cümə günündən etibarən mərhələli şəkildə bölgəyə qayıda bilər.