Çexiyanın paytaxtı Praqanın Letna meydanında Ukraynada ələ keçirilən rus tankları, raket və tank əleyhinə silahlar sərgilənir.

Mediatv.az xəbər verir ki, sərginin Praqada keçirilməsi təsadüfi deyil.

Praqanın Letna meydanında keçirilən sərginin açılışında Çexiyanın daxili işlər naziri Vit Rakusan, Ukraynanın daxili işlər naziri Denis Monastırski, Avropa Şurasının daxili işlər komissarı İlva Yohansson və Praqa meri Zdenek Hrib iştirak ediblər.

Yüzlərlə çex və ukraynalının marağına səbəb olan sərgidə çıxış edən Çexiyanın daxili işlər naziri Vit Rakusan deyib ki, sərginin açılışında ukraynalı həmkarımın olması böyük şərəfdir: “Mən Ukraynanın bu cəsur müqaviməti davam etdirməsini istəyirəm və dəstəkləyirəm. Ukrayna vətəndaşlarına göstərdikləri şücaətə görə təşəkkür edirəm”.

Ukraynanın daxili işlər naziri Denis Monastırski bildirib ki, rus ordusundan azad edilən ilk ərazilərdə olarkən düşünüb ki, Avropa Rusiya texnologiyasını görməlidir: “Bu texnika Çerniqov vilayətindən gətirilib. Onları gətirmək çətin deyildi. Çexiyaya göstərdiyiniz dəstəyə görə təşəkkür edirik. Bayrağımız hər yerdə dalğalanır”.шаблоны для dle 11.2