Ukrayna Silahlı Qüvvələri son sutka ərzində 70 rusiyalı hərbçini məhv edib. Genişmiqyaslı işğalın başlamasından bəri isə Rusiya Silahlı Qüvvələri ümumilikdə təxminən 37 470 nəfər şəxsi heyətini itirib.

Mediatv.az xəbər verir ki, bu barədə Ukrayna Silahlı Qüvvələri Baş Qərargahının məlumatında deyilir.

İyulun 12-nə olan məlumata görə, 1 649 tank, 3 829 zirehli döyüş maşını, 838 artilleriya sistemi, 247 reaktiv yaylım atəşi sistemi, 109 hava hücumundan müdafiə sistemi, 217 təyyarə, 188 helikopter, 676 PUA, 155 qanadlı raket, 15 gəmi, 2 699 avtomobil texnikası və avtosistern, 66 xüsusi texnika məhv edilib.

Rusiya ən böyük itkiləri Nikolayev vilayəti istiqamətində verib.

Xatırladaq ki, Ukrayna Silahlı Qüvvələrinin hücum təyyarələri Rusiya Silahlı Qüvvələrinin Nikolayev vilayətində, Sniqirevka və Lyubimovka ərazilərindəki silah-sursat anbarlarına üç hava zərbəsi endirib.шаблоны для dle 11.2