ABŞ Prezidenti Cozef Bayden ölkənin Ali Məhkəməsinin abort hüquqlarına federal təminatların ləğvi ilə bağlı qərarı ilə razılaşmayanları etirazları davam etdirməyə çağırıb.

Mediatv.az xəbər verir ki, bu barədə Ağ Evin Mətbuat Xidməti məlumat yayıb.

ABŞ lideri Delaver ştatında jurnalistlərlə söhbətləşən zaman media nümayəndələrinin abort hüquqlarına qoyulan məhdudiyyətlərə qarşı Ağ Ev qarşısında etiraz edən fəallara nə deyə biləcəyinə dair sualına “Etiraz etməyə, öz fikrinizi müdafiə etməyə davam edin. Bu, son dərəcə vacibdir”,- cavabını verib.

Eyni zamanda, o, qadınların abort hüququnu təmin edən federal qanuna ehtiyac olduğunu bir daha vurğulayıb. Bundan əlavə, Bayden deyib ki, administrasiyasından Ali Məhkəmənin abortla bağlı çıxardığı hökmlə bağlı ölkə prezidentinin səhiyyə sektorunda fövqəladə vəziyyət elan etmək səlahiyyətinin olub-olmadığını araşdırmağı istəyib.

Xatırladaq ki, bu il iyunun 24-də ABŞ Ali Məhkəməsi federal hakimiyyət orqanlarının abort hüquqlarına zəmanət verməsi ilə bağlı, təxminən, 50 illik qərarı ləğv edib. Bu qərar o deməkdir ki, indi müvafiq normalar ayrı-ayrı ştatları səviyyəsində hazırlanmalıdır. Respublikaçıların hakimiyyətdə olduğu bəzi ştatlarda abort qanunlarını ciddi şəkildə sərtləşdirməyə çalışıblar. Demokratlar ənənəvi olaraq buna qarşı çıxırlar. Ali Məhkəmənin bu hökmündən sonra Vaşinqtonda və ABŞ-ın digər böyük şəhərlərində etirazlar başlayıb.шаблоны для dle 11.2