G20 sammitini tərk etdikdən sonra Rusiya Xarici İşlər Nazirliyinin rəhbəri Sergey Lavrov Aİ ölkələrinin liderlərinə müraciət ünvanlayıb.

Mediatv.az xəbər verir ki, o videomüraciətində ölkəsinə qarşı çoxlu “ittihamlar” eşitdiyini və qərbli həmkarlarının “nə istədiklərinə qərar vermələrini” tələb edib.

"Təcavüzkarlar, işğalçılar, işğalçılar... Bunu çox eşitdik. Hamı bizi “xüsusi əməliyyatı” dayandırmağa və sülh yolu ilə həll etməyə çağırırdı. Mən qərbli həmkarlarımıza bütün əvvəlki aylarda dediklərini xatırlatdım və onlardan hələ də nə istədiklərinə qərar vermələrini xahiş etdim", - Lavrov bildirib.

Videogörüntülərdən görünür ki, Rusiya Xarici İşlər Nazirliyinin rəhbəri əsəbi olub, bunu onun bədən hərəkətləri də sübut edir. Lavrov çıxışında kəkələməsi də diqqət çəkib.шаблоны для dle 11.2