Ukrayna Silahlı Qüvvələri Qara dənizdə Rusiyaya məxsus daha bir gəmini vurub.

Mediatv.az “RBK-Ukraina”ya istinadən xəbər verir ki, burada söhbət Rusiyanın Qara dəniz donanmasının “Vasiliy Bex” adlı gəmisindən gedir.

Məlumata görə, sözügedən gəmi Zmeynıy adasına silah-sursat və şəxsi heyəti apararkən vurulub. Gəminin göyərtəsində, həmçinin “Tor” zenit-raket kompleksinin olduğu da bildirilir.

Gəminin vurulması barədə məlumatı Odessa vilayətinin hərbi administrasiyasının rəhbəri Maksim Marçenko təsdiq edib.

Gəmiyə “Harpoon” sistemi vasitəsilə raket zərbəsinin endirildiyi qeyd olunub.