“Aprelin 27-də Yunanıstan təyyarələri sərhədlərimizə daxil olaraq Datça, Didim və Dalamanda hava məkanımızı pozublar”.

Bu sözləri NATO Parlament Assambleyasının Siyasi Komissiyası ilə Aralıq dənizi və Yaxın Şərq üzrə Xüsusi Qrupunun birgə iclasında Türkiyə milli müdafiə naziri Hulusi Akar deyib.

“Siz o qədər kilometrlərlə uzaqdan, Yunanıstanın sərhədindən Türkiyənin sərhədinə gəlib hava sərhədimizi pozacaqsınız, bundan sonra da bizim necə reaksiya verəcəyimizi gözləyirsiniz? Bizdə bunların radar görüntüləri var, müttəfiq ölkələrlə də paylaşmışıq. Aprelin 28-də onlara cavab verdik”, - deyə Akar yunanıstanlı deputatın “Türkiyə Hərbi Hava Qüvvələri Yunan adaları üzərindən uçur” sözlərini cavablayıb.

O, Türkiyə ilə Yunanıstan arasındakı problemlərin həllinin danışıqlar yolu ilə baş tuta biləcəyini də vurğulayıb:

“Biz həmişə və israrla bildirmişik ki, problemlərin beynəlxalq hüquq, mehriban qonşuluq münasibətləri və dialoq yolu ilə həllinin tərəfdarıyıq”.шаблоны для dle 11.2