“Azərbaycan Hava Yolları” Qapalı Səhmdar Cəmiyyəti (AZAL) məhkəməyə verilib.

Mediatv.az Lent.az-a istinadla xəbər verir ki, şirkətə məxsus avtomobil yol hərəkəti qaydalarını pozub. Lakin qaydaları pozan sürücü barədə məlumatlar aidiyyatı quruma göndərilməyib. Buna görə də, şirkət barəsində İnzibati Xətalar Məcəlləsinin 347-ci (Hüquqi şəxsin mülkiyyətində və ya istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə) maddəsilə cərimə protokolu tərtib olunub.

Protokol baxılması üçün Nəsimi rayon Məhkəməsinə göndərilib. İş hakim Solmaz Mustafayevanın icraatına verilib.

Qeyd edək ki, həmin maddə üzrə hüquqi şəxslər üç yüz manat məbləğində cərimə edilir.шаблоны для dle 11.2