ABŞ-ın müdafiə naziri Çak Heygel bəyan edib ki, ölkə rəhbəri Barak Obama vitse-admiral Maykl Rodjersin namizədliyini Milli Təhlükəsizlik Agentliyinin və silahlı qüvvələrin kiberkomandanlığının rəhbəri vəzifəsinə irəli sürüb.  Ağ Ev rəhbərinin bu qərarı nazir Heygelin təqdimatı əsasında verilib.

Maykl Rodjers 30 illik təcrübəsi olan dəniz donanması zabitidir. Bundan öncə o, Sakit okean donanmasında kəşfiyyat sahəsinə və son vaxtlar ABŞ-ın hərbi-dəniz qüvvələrinin kiberkomandanlığına rəhbərlik edib

Seçildiyi təqdirdə, Maykl Rodjers Milli Təhlükəsizlik Agentliyində ciddi dəyişikliklər etməli olacaq. Bu zərurət Edvard Snouden qalmaqalından sonra yaranıb.