"Biz bilirik ki, Rusiyada çoxsaylı müharibə əleyhinə nümayişlər keçirilib və bir sıra rusiyalı məşhurlar, nüfuzlu şəxslər sosial media hesablarında müharibəyə qarşı olduqlarını nümayiş etdiriblər".
 
Mediatv.az xəbər verir ki, bunu Rusiya Beynəlxalq Əlaqələr Şurasının (RİAC) baş direktoru Andrey Kortunov BBC-yə açıqlamasında deyib.
 
O, Xarici İşlər Nazirliyindəki bir çox həmkarının da baş verənləri görəndə təəccübləndiyini, şoka düşdüyünü söyləyib. Onun fikrincə, işğal qərarı Kremldə verilib.
 
Kortunov bildirib ki, əgər bu, məhdud itkilərə malik bir əməliyyatdırsa və uğurlu hesab edilərsə, rəhbərliyin populyarlığı aşağı düşməyəcək.
 
Həmçinin o, Putinin niyyətinin ilk planının əməliyyatı iki həftəyə başa çatdırmaq olduğunu söyləyib:
 
“Əgər bunu etsə, bəlkə də zərəri məhdudlaşacaq, əgər bunu edə bilməsə, onun populyarlığının aşağı düşəcəyi ehtimalı var”.шаблоны для dle 11.2