Vətəndaşlarımızı cəmiyyətimizdə böyüyə biləcək ölümcül nifrətdən qoruya bilmədik.
Mediatv.az xəbər verir ki, bunu Almaniyanın ədliyyə naziri Marko Buşman 2 il əvvəl Hanauda türkləri də hədəf alan irqçi terror aktı haqda danışarkən deyib.
"Şiddət söz və jestlərdə formalaşmağa başlayanda dövlət bunun qarşısını almalıdır. İnsanlar bizim ərazimizdə əcnəbi elan olunduqları üçün əziyyət çəkib öldükcə tarixi məsuliyyətimizi yerinə yetirməyəcəyik", - Buşman bildirib.
Qeyd edək ki, 2020-ci il fevralın 19-na keçən gecə Almaniyanın Hanau şəhərində iki kafedə törədilən irqçi terror aktında 4-ü türk olmaqla 9 nəfər həyatını itirmişdi.шаблоны для dle 11.2