“Nazarbayev Gömrük İtifaqında bizim əl-qolumuzu bağlamağa çalışır”.

 Hafta.az-ın erməni mediyasına istinadən verdiyi xəbərə görə , bunu işğalçı ölkənin prezidenti Serj Sarkisyan ölkəsində jurnalistlərin suallarını cavablandırarkən deyib. Sarkisyan bildrib ki, rəsmi Astana Bakının əmrlərini yerinə yetirir: “Qırğızıstan da AGİ-nin üzvüdür. Onlar bizim “işimizə qarışmırlar”. Amma Qazaxstanın Ermənistanın bir sıra təkliflərinə səsvermələrdə veto qoyacağına əminəm. Çünki Astana Bakının diktəsi ilə oturub-durur”. Sarkisyan daha sonra Nazarbayevin ünvanına daha sərt sözlər də işlədib: “Nursultan Nazarbayev qatı millətçidir. O orta asiyadakı qonşuları ilə bərabər Azərbaycanı da öz qanından hesab edir. İnanırıq ki, bu belə Çox davam etməyəcək”.

Xatırladaq ki, Ermənistan on gün öncə, 9 oktyabrda Rusiyanın təhriki ilə Gömrük İttifaqına qoşulub. Amma hələ də Ermənistan parlamenti bu qoşulma aktını ratifikasiya etməyib.