Ukrayna Baş Qərargah rəisinin müavini Yuri Dumanski istefa verib, onun sözlərinə görə, o, ölkədə hərbçiləri münaqişəyə cəlb etməklə razı deyil. Trend RİA Novosti agentliyinə istinadən bu barədə LB.ua saytı xəbər verir. 

"Doğrudan da, mən təsdiq edirəm ki, raport yazdım. Bu gün hərbçilərin mülki münaqişəyə cəlb edilməsi baş verir, bu isə yolverilməzdir; bu həm hərbçilərin, həm də dinc vətəndaşların ölümünə gətirib çıxara bilər. Bu mənim həm vətəndaş, zabit, rəhbər kimi öz mövqeyimdir. Ona görə də mən istefa verdim", - Dumanski bəyan edib.

İstefa barədə raportun surəti informasiya agentliyinin saytında yerləşdirilib.

Çərşənbə günü Baş Qərargah rəisinin vəzifəsini tərk edən Vladimir Zamana Ukrayna milli təhlükəsizlik və müdafiə Şurası katibinin müavini təyin olunub.