Avstraliyanın böyük şəhərlərində qadınlar eşqlərini tapmaq üçün başqa şəhərlərə getmək, ölkəni tərk etmək məcburiyyətində qalıb

Məşhur aktrisaların, supermodellərin vətəni olan Avstraliyada kişi qıtlığı yaşanıb.

Avstraliyanın böyük şəhərlərində qadınlar eşqlərini tapmaq üçün başqa şəhərlərə getmək, ölkəni tərk etmək məcburiyyətində qalıb.

"MakKrindl" adlı araşdırma şirkətinin açıqlamasında bildirilir ki, ölkənin 8 ştatının 6-da qadın əhalisi kişilərdən 100 min çoxdur.

Araşdırma doğulan qız körpələrinin oğlanlarla müqayisədə sürətlə artdığını göstərərək, son iki ildir 20-35 yaş arası qadınların kişi tapmaqda çətinlik çəkdiyini ortaya çıxarıb.

Ölkədə ən çox kişi qıtlığının Tasmaniya və Viktoria ştatlarında hiss olunduğu vurğulanıb.

Həmçinin, avstraliyalı kişilərin az olması ilə yanaşı, iş tapmaq üçün başqa ölkələrə getmələri də qadınların ər tapmaqda işlərini daha da çətinləşdirir.

Qeyd edək ki, Avstraliyalı aktrisa Nikol Kidman, müğənni Kayli Minoq və supermodel Miranda Kerr kimi məşhur gözəlləri ilə tanınır.