Əgər düşmən Pakistana su axınını dayandırmağa cəhd edərsə, bunun əvəzini ağır şəkildə ödəyəcək.
Mediatv.az  Publika.az-a istinadən xəbər verir ki, bununla bağlı Pakistanın Baş naziri Şahbaz Şərif Hindistana xəbərdarlıq edib.
Pişəvərdə çıxış edən Baş nazir bəyan edib:
"Hindistan Pakistana su axını dayandırmaqla hədələyir. Düşmən artıq müharibənin qızışdırılmasının nəticələrinin şahidi olub. Hər damla su Pakistan xalqının haqqıdır".
"Bu yaxınlarda dörd ölkədə oldum. Onların üzündə xoşbəxtlik gördüm. Müharibədə uğur qazandığımız kimi, Allah-Təalanın bərəkəti ilə iqtisadi qələbəyə də nail olacağıq", - o əlavə edib.
Ş.Şərif həmçinin feldmarşal general Seyid Asim Müniri tərifləyərək deyib:
"Onun rəhbərliyi altında Pakistan Silahlı Qüvvələri düşmənə dərs verib".
“Burada iştirak etmək mənim üçün şərəfdir. Biz hamımız sizin narahatlıqlarınızı diqqətlə dinləmək üçün buradayıq. Xayber Paxtunxva Pakistanın böyük və gözəl əyalətidir. Xayber Paxtunxva xalqı cəsur, şərəfli və vətənpərvərdir. Onlar Pakistanı həmişə cəsarətlə müdafiə ediblər”, - o əlavə edib.шаблоны для dle 11.2