Nepal hökuməti Çinin nəhəng sosial media platforması “TikTok”-u sosial quruluşa zərər verdiyinə görə, qadağan edib.
"AzPolitika.info" xəbər verir ki, Nepalın Rabitə və İnformasiya Texnologiyaları Naziri Rekha Sharma, platformanın etiraz doğuran məzmunlar yaydığını əsas gətirərək, sözügedən qadağanın dərhal qüvvəyə minəcəyini bildirib.Qeyd edək ki, bu il bəzi ölkələr “TikTok”-un şəxsi istifadəçi məlumatlarını Çin hökuməti ilə paylaşa biləcəyi ilə bağlı narahatlıqları fonunda sözügdən tətbiqi qadağan ediblər.
Məsələn, Kanada, Belçika, Norveç, Böyük Britaniya və Yeni Zelandiya “TikTok”-un dövlət rəsmiləri tərəfindən istifadəsini qadağan edib. Bundan əlavə, İsveç Müdafiə Nazirliyi təhlükəsizlik baxımından şəxsi heyətin iş telefonlarında “TikTok” tətbiqindən istifadəsinin qadağan edildiyini açıqlayıb. Aprel ayında isə Avstraliya sözügedən tətbiqin federal hökumətə məxsus cihazlarda istifadəsini qadağan etdi. May ayında isə ABŞ-ın Montana ştatı bu tətbiqdən istifadəni qadağan edərək ölkədə “TikTok”-u qadağan edən ilk ştat oldu.