Ukraynanın tərəfdaş ölkələrində seçkilər zamanı mümkün hakimiyyət dəyişikliyi halında Kiyevə dəstək zəifləməyəcək. Söhbət xüsusilə ABŞ-dan gedir.
Mediatv.az xəbər verir ki, bu barədə Ukrayna Prezident Ofisi rəhbərinin müşaviri Mixail Podolyak deyib.
"Bəzən belə bir fikir var ki, bu və ya digər ölkədə seçkilər Ukraynaya dəstək formatını dəyişəcək və ya tamamilə dayandıracaq. Əlbəttə, bu, belə deyil", - o bildirib.
Podolyak əmindir ki, heç kim demokratiyanı artıq uduzmuş bir ölkəyə təslim etməyə razı olmayacaq:
"Əksinə, Ukrayna bu dəhşətli müharibə ədalətli bitənə qədər tam şəkildə dəstəklənəcək. Ukraynaya dəstəyi həqiqətən dayandırmaq üçün istənilən namizəd siyasətçi çıxıb birbaşa deməlidir: "Biz Rusiyadan qorxuruq; zəif Rusiyaya uduzmaq istəyirik; biz həmişə sizə yalan danışmışıq ki, azadlıq və demokratiya kimi təməl dəyərləri müdafiə etməyə dəyər; Rusiyanın himayə etdiyi xaosun, müharibələrin, terrorun, qanunsuzluğun dünyaya gəlməsini istəyirik; biz öz torpaqlarını, ailələrini, evlərini müdafiə edən ukraynalıların itirməsini və heç bir qaydaların və beynəlxalq hüququn olmadığı bir dünyada yaşamanızı istəyirik". Əlbəttə, bu mümkün deyil".
Qeyd edək ki, ABŞ-da 2024-cü ildə prezident seçkiləri baş tutacaqшаблоны для dle 11.2