ABŞ Rusiyadan Qara dəniz taxıl təşəbbüsünün bərpası müqabilində nə istədiyini aydınlaşdırmasını istəyir.
Mediatv.az xəbər verir ki, bu sözləri ABŞ Dövlət Departamentinin sanksiyalar siyasəti üzrə koordinatoru Ceyms Obrayn deyib.
"Rusiya ilk növbədə nəyi tələb etdiyini aydınlaşdırmalıdır. O, bir sıra müxtəlif tələblər irəli sürüb ki, bunların hamısı Rusiyanın müxtəlif qurumlarının özəl sektordan xidmət almaması ilə bağlıdır", - Obrayn bildirib.
O bəyan edib ki, ABŞ Rusiyaya bu məsələlərdən hər hansı birində kömək etməyə hazırdır.
Qeyd edək ki, Rusiyanın BMT-dəki daimi nümayəndəsinin birinci müavini Dmitri Polyanski BMT Təhlükəsizlik Şurasının (TŞ) iclasında ölkəsinin taxıl sazişinə qayıtması üçün 7 şərti olduğunu bildirib.шаблоны для dle 11.2