Şanxay Əməkdaşlıq Təşkilatı (ŞƏT) digər dövlətlərə və beynəlxalq təşkilatlara qarşı yönəlməyib və geniş əməkdaşlığa açıqdır. Bu barədə çərşənbə axşamı Hindistanın sədrliyi ilə onlayn rejimdə keçirilən ŞƏT Dövlət Başçıları Şurasının iclasının yekunları üzrə imzalanmış birgə Yeni Dehli Bəyannaməsində deyilir.
“Üzv dövlətlər bir daha təsdiq edirlər ki, ŞƏT digər dövlətlərə və beynəlxalq təşkilatlara qarşı yönəlməyib və BMT Nizamnaməsi, ŞƏT Nizamnaməsi və beynəlxalq hüququn məqsəd və prinsiplərinə uyğun olaraq, qarşılıqlı maraqların nəzərə alınması və beynəlxalq hüquq normalarına uyğun regional və qlobal problemlərin həllinə yanaşmaların ümumiliyi olaraq onlarla geniş əməkdaşlığa açıqdır. ”, - sənəddə belə deyilir.
“Üzv dövlətlər xalqların öz siyasi və sosial-iqtisadi inkişaf yollarını müstəqil və demokratik seçmək hüququna hörmətin tərəfdarıdır,  dövlətlərin suverenliyinə, müstəqilliyinə, ərazi bütövlüyünə, bərabərliyinə, qarşılıqlı fayda, daxili işlərə qarışmamaq, güc tətbiq etməmək və ya güc tətbiq etməklə hədələməmək prinipini tutur və beynəlxalq münasibətlərin davamlı inkişafının əsasını təşkil edir”, - bəyannamənin mətnində belə deyilir.шаблоны для dle 11.2