---

 Amerika kəşfiyyatı rus generalı Sergey Surovikinin Vaqner ÖHK qiyamında əli olmaqda şübhəli bilinərək saxlanıldığını təsdiqləyir.

Bu barədə “The New York Times” qəzetinə kəşfiyyatla tanış olan ABŞ rəsmiləri bildirib.
Bununla belə, Surovikinin statusu naməlum olaraq qalır. Nəşrin sözlərinə görə, rus generalı haqqında əlavə məlumat yoxdur və kəşfiyyat hesabatları yekun deyil.

ABŞ rəsmiləri əlavə edib ki, Surovikinin rəsmi həbs edilib-edilmədiyi, yoxsa sadəcə sorğu-sual üçün saxlandığı məlum deyil.

Xatırladaq ki, Qərb kəşfiyyatının məlumatına görə, Surovikin Yevgeni Priqojinin Rusiya hərbi rəhbərliyinə qarşı qiyam qaldırmaq planlarından əvvəlcədən xəbərdar ola bilərdi.

Daha sonra Rusiya mənbələri generalın iyunun 25-dən istintaq təcridxanasında olduğunu bildiriblər. Lakin bəzi KİV-lər onun dindirilərək sərbəst buraxıldığını yazıblar.

Financial Times-ın məlumatına görə, Surovikin hələ də həbsdədir, lakin ona sui-qəsddə ittiham olunub-olunmaması, yoxsa sadəcə sorğu-sual üçün saxlandığı hələ də aydın deyil.шаблоны для dle 11.2