Mediatv.az TASS-a istinadən məlumat verir k, Belarus prezidenti Aleksandr Lukaşenko həftəsonu Rusiyanın cənubunda baş verən hadisələrdən danışıb. Onun sözlərinə görə, vəziyyəti izləmək “ağrılı idi”.
“Tək mənə yox, bir çox vətəndaşlarımız onları ürək ağrısı ilə qəbul etdilər, çünki Vətən birdir”, - deyə respublika başçısı bildirib.

Xatırladaq ki, şənbə gününə keçən gecə Rostov-na-Donuda "Vaqner" ÖHK qüvvələri Cənub Hərbi Dairəsinin qərargahını ələ keçirib. Silahlı üsyan Vaqner ÖHK-nin rəhbəri Yevgeni Priqojin Rusiya Silahlı Qüvvələrinin onun düşərgələrinə zərbələr endirdiyini elan etdikdən sonra başlayıb.
İyunun 24-də axşam Belarus prezidentinin mətbuat xidməti Aleksandr Lukaşenko ilə Priqojin arasında uğurlu danışıqların aparıldığını elan edib. Qeyd olunub ki, ÖHK təsisçisi onun “Vaqner”in Rusiya Federasiyası ərazisində hərəkətinin dayandırılması təklifini qəbul edib.
Kremlin sözçüsü Dmitri Peskov ÖHK rəhbərinin Belarusa gedəcəyini bildirib. Peskov qeyd edib ki, Priqojinin gedişinin zəmanəti “Rusiya prezidenti Vladimir Putinin sözüdür”.
Bir gün əvvəl Rusiya Xarici İşlər Nazirliyinin rəhbəri Sergey Lavrov Rusiya xüsusi xidmət orqanlarının iyunun 24-də baş verən situasiyada Qərb kəşfiyyat xidmətlərinin iştirakı ilə bağlı yoxlamalarını açıqlamışdı. шаблоны для dle 11.2